中華小館

Open Now

Now Closed

餐廳有兩層，環境夠晒光猛同闊落，座位寬敞又舒適～仲有得開酒包廂打麻雀🀄️適合一大班人傾計食飯🥳古法蝦籽燜柚皮口感腍滑，本來都有少少擔心柚皮會苦，點知一啲苦澀味都冇！反而係鹹香鮮味🤤應該係因為喺燜嘅時候，就已經入晒由蝦米、瑤柱同豬腩肉等材料熬成嘅上湯味，再加上最後扣上由蝦子以及蠔油煮成嘅汁液～唔講真係冇人知本身係柚子皮！有驚喜😍蜜汁叉燒皇份量超多，油脂豐富啖啖肉。帶有少許醬汁唔會太過乾爭爭，非常美味😋懷舊錦鹵脆戈巴嘅鹵汁酸甜味適中，冇酸味搶過甜味嘅情況。戈巴好脆口，一咬落去咔一聲🤩點少少鹵汁食又有另一番風味🤤👍🏻