Burgerman (欽州街) (Closed)

同男朋友都係鐘意周圍搵食既人,踏入等二年，我地決定以Burger🍔做今年既主題，每個月揾一間Burger店試吃一下！今日黎到Burgerman，已經係我地第7間既🍔burger店。去到既時間大約黃昏六點，店內八張櫈已經坐滿人，有3個係外國人，心諗，呢個漢堡人好似有d料到喎！我地一邊研究食乜一邊等位，大約十分鐘就有位啦。我男朋友叫左個藍芝士漢堡加薯格。由於係即叫即做，上菜果陣，個麵包面係脆架！我地試咗咁多burger, 呢間係等一間做得到！very impressive!👍跟住，你地見唔見到，果舊藍芝士幾大舊！你一咬個包，d藍芝士係咁運行晒你成個口腔，真係好香濃，如果你係無芝不歡，呢個係必食。到我呢，就要咗個經典漢堡，呢個漢堡食落囗好清新，可能係d生菜蕃茄好靚既原故。味道都好好，係我略略覺得個漢堡扒乾咗少少，不過整體而言，呢個價錢食呢個質素既食物係無可挑剔，絕對食得過。亦可以加到我地既返兜餐廳list!最後一提，🍔burgerman有一個幾貼心的服務，就係有手套提供比你用，等你唔會食到呢咁hea,不過想原汁原味，當然係豪邁咁徒手拎住個包大啖大啖咁食啦😋回味