昇麵館

Open Now

Now Closed

朋友係個車仔麵控，知道土瓜灣昇麵館有好食嘅車仔麵，就叫埋我一齊去試吓，麵館地方簡潔，座位寛敞。主打車仔麵，亦有飯餐供應。車仔麵：豬紅、豬皮、豬大腸、墨魚丸，幼麵，咖喱汁。豬紅爽滑，豬皮吸晒汁好惹味，豬腸洗得乾淨，無多餘嘅內臟味， 腍滑軟身，又不失嚼勁，墨魚丸彈牙。幼麵爽口，咖喱汁風味更獨特，香辣惹味。車仔麵：豬手、豬大腸、蘿蔔、煎蛋，河粉，秘製辣汁。豬手件件細滑帶彈性，好入味而且唔肥膩。蘿蔔清甜冇喳，重點當然係個醬汁啦，辣得嚟又好有層次，醬汁濃郁，配滑溜嘅河粉好惹味呀！菜脯蛋餅：菜脯加上鮮美的雞蛋煎製而成，脆脆的口感和甜咸鲜的味道，無論下飯或送酒都一流。瑞士雞翼：瑞士雞翼的精華在於醬汁，味道甜甜的，肉質嫩滑又入味。自家製辣菜脯：餐廳更有招牌自家秘製辣菜脯配搭車仔麵，味道更惹味豐富。