昇麵館

Open Now

Now Closed

今日經開附近就去昇麵館，主要想試下秘製豬扒😙，因為見超多人大讃。不過當然要試吓其他美食，所以先叫左幾款車仔餸。豬腩肉肥瘦剛好，仲有我至愛黑松露丸。其實食完幾個餸都有啲飽，不過點都要試吓人氣推介嘅秘製豬扒，結果無令我失望，十分juicy,而且可以代切件上方便享用👍🏻。 因為咁啱中午時間都比較人多，外賣都很多，但姐姐招呼依然有禮貌。食物質素不錯，價錢又中肯，服務態度也很好，所以會推介比朋友及同事👏🏻

想評論下每個餸雞翼好入味，唔係得隻色嗰啲，又唔會太咸第一個過關🤗豬手炆得好冧，咬既力都慳返，好易就脱到骨，食到啖啖肉，骨膠原重重👍處理乾淨無食食下食到有毛影響口感，加分👍（豬手專家）豬腸，正常發揮無唔應該有既味（應該知我講乜）😂，半肥瘦，有啲小脂肪香口野👍湯底唔算話好濃味，個人認為加埋腩汁剛剛好，唔會太重口味食完要狂飲水～☺️整體用餐體驗不錯，feel到有誠意既小店,同埋店員都幾好會推介有咩招牌必食，豬手就係一位店員妹妹介紹我食🤗店員妹妹強烈推薦炸豬排，不過實在太飽冇叫到，下次會尼試埋個炸豬排好似幾吸引😆

被車仔麵耽誤咗嘅炸豬扒！睇留言發覺竟然冇乜人話佢個炸豬扒？見到店內有做promo嗌豬扒小食打卡，可以送凍檸茶 咁我就試左。又真係幾好食 豬扒邊邊炸得有啲燶燶哋好脆 佢唔係出邊有炸皮嗰種 豬扒唔係得個咸字 有啲甜甜地幾得意 勁快K.O.咗面咁大嘅豬扒🤣車仔麵個人覺得不過不失 cp值高 嗌咗四餸都唔係好貴 不過覺得豬扒係比較上出色少少😋

土瓜灣土瓜灣道237號益豐大廈地下B號舖今日途經土瓜灣看見一間車仔麵店，於是乎又去嘗試一下！車仔麵也好多款選擇，不過我就揀咗蔥油雞扒煎蛋飯作為我嘅午餐！佢隻雞扒大大件脆口有雞味，煎蛋仲要流心，連埋啲蔥油撈埋D飯一齊簡直係一流的配搭！座位之間唔會太壓迫，冷氣非常充足！環境乾淨！服務員禮貌！付款方式：有現金及八達通

車仔麵正常發揮味道屬中上👍🏻基本嘢都做到，蘿蔔入味，豬紅唔爛，豬腸入味同埋見到餐廳做緊豬扒打卡，送凍檸茶活動個炸豬扒真心有驚喜，脆卜卜甜甜地，加埋少少燶邊焦焦地，咬落去有汁👍🏻 食完有掛住嘅感覺，忍唔住要留返個言👍🏻我覺得土瓜灣必食係呢個炸豬扒🤘🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻

水魷控嘅我見到餐單入邊有咖喱魷魚即刻嗌咗嚟試 勁入味 仲有啲咖喱汁掛喺度😻另外試咗豬腸都好食 蘿蔔正常發揮 覺得可以再淋D😆真係小驚喜個咖哩魷魚😻一定要嗌一定要嗌

今次真漢子分享嘅係土瓜灣嘅昇麵館，係一間車仔麵鋪。本身車仔麵嘅餸都會有素食選擇，但佢仲多咗啲素料可以揀喎，一齊嚟睇下。👀首先食湯麵大家都關心個湯底係咪素，佢哋有兩款素湯底揀，分別係蘿蔔湯同蕃茄湯，我就揀咗蘿蔔湯。🍲餸方面，基本果啲冬菇，蘿蔔，菜就唔講啦，最特別係有一系列素肉嘅餸：🐟 素魚蛋🦁 素獅子狗🐮 素牛丸🌭 素香腸 各 $13。响 social media 問過店方佢哋都係冇蛋奶成份。真漢子揀咗比較少食到嘅素魚蛋同素獅子狗，加個酸齋，麵就揀咗粗麵。🍜先試魚蛋同獅子狗，非常彈牙，亦同真嘅好似，似到爭啲想搵人問係咪比錯，但其實佢哋冇真獅子狗賣，真魚蛋係陳皮魚蛋，所以應該冇錯啩。😂個麵煮得比較生，份量唔算太多，都夠食嘅。個酸齋正常發揮，不過有啲後悔叫咗，因為撈埋落湯度，有咗酸齋啲汁變咗試唔真清湯嘅味道。但就咁飲啲湯都唔太咸或油，幾夠味嘅。😀另外點咗炸素鯪魚球，通常素肉炸咗味道或口感都變得自然啲冇咁假，呢個都唔例外。新鮮炸出嚟熱辣辣，但完全唔油膩，非常好味。食落唔會好粉，細細粒但夠彈牙，我覺得係必食之選。👍🏻店內電視除咗一邊播住電影「食神」之外，另一個電視播住佢哋嘅資訊。其間都有素食相關

坐低咗，成枱都係上手食剩嘅野+成枱骨，禮貌地叫個女侍應清一清枱，一幅西樣話等等過咗十分鐘，再叫佢清枱，又話轉頭等到野食都到埋，佢竟然可以喺枱面搵個位放底碟飯就走，再叫佢清，佢竟然仲可以話等等！忍無可忍，問佢唔清枱點食飯，先極不情願執枱。執枱執到啲紙巾跌哂落地，水又滴哂落地，完全係覺得啲嘢好污糟唔想掂咁樣。大佬，你咁身嬌肉貴做乜走黎做侍應？呢間店食物質素唔錯，但俾呢位馬尾女侍應搞一搞，即刻唔想再黎希望老闆正視一下問題，唔好俾呢啲人影響口碑。

嚟咗食兩次兩次啲侍應態度都好好。今次同媽咪嚟食，佢嗌咗必食豬手飯，我就嗌咗黑松露丸麻辣豬肚陳皮魚蛋車仔麵。佢哋嘅車仔麵都幾多選擇，價錢相宜。黑松露丸幾香，麻辣豬肚都夠麻夠辣，陳皮魚蛋就略為唔彈牙，湯底唔錯。媽咪話豬手略為太林同太肥。

這店疫情開業幫襯至今.食物出品越來越差特別車仔麵價格越來越貴.有天經過看見下午茶時段兩餸車仔麵35蚊起.點了三個餸魚蛋蘿蔔豬紅河粉可樂$51下午茶時段正價收費.份量比一般下午茶還要少.這樣只會令客人不會再去幫襯睇住呢一間小店又有生意自己做到冇生意.

經過土瓜灣，太肚餓隨便入左一間餐廳食野，啱啱好仲有下午茶，有幾款港式吸引茶餐選擇🌭沙嗲牛肉蛋潛艇包個包簡直係鬆軟到一個點😍勁新鮮🫶🏻沙嗲牛方面同出面食嘅味道唔太一樣，比較少花生味，個底有蛋同菜配搭，增加層次感🫡🥢蟹柳雞翼炒烏冬蟹柳同雞翼每樣有兩件，烏冬炒出黎都好香，份量都足夠，不過略嫌佢有少少油🥹如果可以乾身啲就一流🤤店員哥哥都好有禮貌同friendly，俾人感覺好體貼，會主動問要唔要碗仔🫶🏻

服務態度麻麻 食物麻麻～6點半左右入去坐低叫野食，當時得兩檯客叫左兩個麵加一個小食，張單係漏左個小食吉列炸蠔冇落，不過覺得唔算好肚餓就由佢～兩碗麵其中一碗係加腩汁，再加3個餸-豬腩肉➕素牛丸➕黑松露丸，碗麵到果陣，個侍應話轉頭補返啲丸～（唔明點解唔等埋啲餸齊左先上）望一望碗麵 唔似有腩汁 問侍應 佢話已經有加左 唔夠可以再比～OK！ 咁食清啲都OK嘅飲左一啖湯，係微溫果隻，完全唔熱 啲丸到左， 兩粒細到見唔到嘅丸加兩粒大啲，想講一個餸都要加14蚊 雖然知道通脹勁，但未至於咁掛🥲試下粒丸 我都分唔清邊個係黑松露丸邊個係素牛丸…另外，想講個女侍應服務態度都令人不太舒服，額外另上嘅丸未到果陣，突然行過黎拎起我地張單 跟住同廚房講 係牛丸呀～一碗麵等齊啲送再上係基本掛～仲要唔知張單啲送係咩🙂俾錢果陣發現淨係可以比現金，唔夠現金💰要去禁錢，同個女侍應講聲，佢係應都唔應…..真係唔知點解咁多好評…

冷冰冰嘅服務態度首先湯底完全唔熱 豬骨湯不知所謂腩肉勁肥素牛丸 兩粒勁細粒完全冇一個餸係OK 朋友嗰個豬潤都係唔掂蛋餅勁細個 冷冰冰超級失望仲要淨係收現金一定唔會再食 超級差

最近想食車仔麵，今日經過一於試下😆 店舖簡潔明亮，乾淨企理，坐得舒服，價格親民，值得一試☺️ 車仔麵食材方面，款式應有盡有，仲有豐宙小食選擇，好唔錯👍🏻𝑭𝒐𝒐𝒅車仔麵三餸 油麵 腩汁 咖哩汁✨ 配滷水雞中翼、咖哩魷魚、豬大腸車仔麵三餸 粗麵 腩汁 咖哩汁✨ 配必食豬手、菜脯蛋餅、蘿白推薦，咖哩汁好惹味！配料份量多，特別推薦豬手、咖哩魷魚及豬大腸🥰 豬手非常軟腍，咖哩魷魚好入味 爽口彈牙，豬大腸軟腍濃味😍 會附上生菜每碗大約$50，份量足夠，好飽肚~ 可加底/扣底𝑺𝒏𝒂𝒄𝒌炸鮮奶（4件）($32)✨香甜脆口😍 熱騰騰，咬下奶味香氣四溢，好好味𝑫𝒓𝒊𝒏𝒌凍柚子蜜 (+$8)✨凍菜蜜 (+$5)✨

本身忠情車仔麵嘅我，屋企附近愈開愈多車仔麵店，間中都會食下依間車仔麵除左車仔麵，都有飯可以選擇我揀左腩汁、蘿白清湯、粗麵、靚靚豬腩肉、酸齋、陳皮魚蛋同豬紅，粗麵軟硬度適中，腩汁味道未到話好濃郁，味道剛好又唔會過鹹，豬腩肉完全係厚切，肥瘦均勻，口感實在又未到好軟冧，酸齋酸甜味道夠哂開胃，豬紅一咬夠脆爽，唔會煮得過冧，食車仔麵又點少得陳皮魚蛋，陳皮味夠出眾加上魚蛋煙刃口感，好正！屋企人就揀左秘製辣汁、蘿白清湯、油麵、咖喱魷魚、滷水雞中翼、蝦條同菜脯蛋餅，秘製辣汁溝埋湯底好鬼過癮又正，咖喱魷魚入口爽脆，雞中翼滷得好入味，最正係蝦條，煎得好香，外層帶微脆，蝦味弘烈兼有彈牙口感，必食之選叫多左個小食鹽酥雞，炸得個火喉剛剛好，入口酥脆可口，一啲都唔乾，仲要愈食愈停唔到口