嘉寶漢堡 (Moved) New Location

Book左晏晝去尖沙咀按摩，見去到見仲有大把時間就周圍睇下有咩食,最後去左嘉寶漢寶上網睇返原來間舖既本舖係葵芳，之後先開黎尖沙咀既。尖沙咀店面唔大，只有一張長檯同靠窗bar檯，坐到十零人左右。叫左個黑松露芝士牛堡$48 因為一陣就去按摩，唔想食太飽就無叫套餐啦～其實套餐都只係加$15，包野飲同小食。打開個包睇睇，入面有黑松露醬、芝士、漢堡肉、蕃茄、生菜、底層仲有嘉寶特式醬。麵包食落外層烘得香脆，但內裡鬆軟，亦有麵包香👍🏼漢堡肉juicy，簡單配搭蕃茄芝士等配料已經好好食，加埋黑松露醬就多一份香氣。