麻辣派對 (金百利廣場) (Closed)

約咗朋友去銅鑼灣食飯，天氣悶熱，大家都想食啲辣野醒下胃口，所以揀咗去麻辣派對食飯，因為喜歡佢嘅麻辣味調得好好！餐廳都有做足防疫，探咗熱先可以入座。座位亦有隔離，讓食客放心享用晚餐。派對口水雞，這個是必食的，醬汁調得夠味，辣度適中，又有麻的香味和感受，雞肉嫩滑，沾上濃郁的醬汁好惹味！黃燜豬手鍋，份量都好多，用火暖住食，唔怕凍咗唔好味。豬手用咗唔少香料和特別調製的醬汁燜煮，燜得入味林滑，辣度有得揀，唔怕唔啱味，我哋揀咗小辣，味道相當惹味，我最鍾意豬手d皮，林滑中又帶點Q彈，滿嘴骨膠原，越食越好味！紅燒排骨小麵，排骨鮮嫩，入口又林又入味，濃濃的湯底載住爽滑的小麵，加上蔥花、肉碎和花生，無論口感和味道都提升不少。咁好味嘅餸，藍妹白飯唔少得最後有桂花味的甜品送，香甜美味，又可以解解辣和油膩。