煮打菜打冷小菜館 (Closed)

由於真係太耐無去過打冷，今日收工約埋班老友記去筲箕灣䦕餐，店內環境都幾寬敞，而且已經滿哂座，好彩有預早訂定位。真.芝士拉絲蝦丸 - 送啤酒一流，表皮炸得金黃香脆，入面蝦丸係有流心芝士係入面，芝士溶左之後仲可以拉絲添，另外配埋個泰式辣醬仲惹味。鹵水併盤 (細) - 好足料，有墨魚、鵝肉、鵝腸、生腸、豬耳，全部都好入味，配上啤酒一流。豉油王鵝腸 - 鵝腸份量夠多，都算幾入味，又唔會好un，配埋芽菜一流。鵝片－肥瘦適中，食得出食材用料新鮮，鵝片底下亦有鹵水豆腐，吸收哂鵝片既精華，一流。生福白鱔煲 － 由於我地唔太食辣，所以就簡左蒜蓉果皮既煮法。白鱔啖啖肉而且食落非常彈牙，白鱔煲既醬汁非常濃郁，吸收埋白鱔既精華送飯一流。.