嵐月 (AIRSIDE)

Open Now

Now Closed

Airside商場開咗一段時間，終於有時間嚟逛吓。泊好車由B1開始低層行上去，直到行到三樓開始有少少肚餓，見到嵐月門外嘅裝飾設計好靚就被吸引埋去。職員安排好坐位後就慢慢介紹餐廳內可以選擇嘅中茶，最後就揀選咗唔會太濃味嘅碧螺春。選擇四個菜式，包括：黑醋伊比利亞豬鞍半紅酒橋頭熟成鷹嘴魚酒盜南非鮑魚龍蝦甜品：啤梨川貝燉陳皮酒盜南非鮑魚即係平時叫開嘅醉鮑魚，柔嫩細滑，入口彈牙嘅口感，值得一試。龍蝦就泡油後再調味，除咗肉質彈牙外，醬油味道令人回味。黑醋伊比利亞豬鞍半紅酒橋頭酸酸甜甜味道令人食指大動，紅酒橋頭亦可以令人更開胃。熟成鷹嘴魚用煲仔上，煲內鋪滿了薑絲可以令魚更加鮮味，而烹調方式亦令到魚肉嫩滑。最後品嚐久違味道嘅啤梨川貝燉陳皮，好適合秋涼嘅日子，可以潤一潤喉嚨。品嚐完呢一餐已經準備中秋再同家人一齊做節。