岩鹽日本料理 (利舞臺廣場) (Closed)

放工想食好D,所以帶女友去試新野。 係銅鑼灣陪佢shopping完，就到附近利舞台的餐廳。幸好有訂位， 7點半餐廳門口已有約10多人排隊。 餐廳環境氣氛很好，座位空間不會太擠擁，而且燈光配上室内裝修，頗有情調的。 店員安排我地坐2人卡位，值得一讚既係店員會因應上菜情況，另加一個流動台面，令用餐空間不會太逼。 餐牌分左晚市套餐同à la carte. 餐牌選擇多元化，燒物，刺身，釜飯，天婦羅，壽司，卷物，一應俱全。我地叫左個卷物-蟹肉香芒薄餅卷。 煎蛋餅包住蟹肉，芒果，青瓜絲，舖上蟹籽。以前菜黎講，十分清新醒胃。 味道配搭得宜，沒有違和感。 再叫左另一款前菜-日本紫薯蓉拌薯仔沙律。 大量既蟹籽拌上薯仔沙律，口感好好。 仲可以因應自己既口味，拌上紫薯蓉及紅豆蓉，令此前菜變為甜品。主食我地叫左燒藍鯨吞拿魚鮫；鵝肝帶子釜飯。 今餐飯我最鍾意就係個吞拿魚鮫，差唔多比我食曬。 魚鮫燒得岩岩好，有d部分香脆可口，但整體鮮嫩多汁。 魚鮫燒太耐肉質就會好"鞋口". 再沾上有蘿蔔蓉既醋，感覺上冇咁膩。 個釜飯非常精美，係店員詳細講解食法同指導下，我地都成功泡出岩岩好既釜飯。