Ha Noi 越南菜

Open Now

Now Closed

對上一次嚟已經係年半之前，今日嚟到門口幾乎唔認得，個地庫商場大裝修完，多咗好幾間食肆，成個格局完全唔同晒。而呢間 Hà Nội 亦由之前個冷巷位搬咗入個大舖位，地方骨子咗，啲位又鬆動咗，當堂高咗兩班。問起原來已經搬咗成年，真係失覺晒。我叫咗下午茶特價生牛肉河（$50）、炸春卷（$19）、凍柚子蜜（$8）。闊別多時嘅味道仍然喺度，佢嘅 pho 唔敢講全港最好，但起碼係我喺香港食過嘅最好。睇相都見佢嘅湯底色澤厚實，上面漂浮住一層牛骨油脂，未食已經感受到佢嘅香濃。炸春卷亦係其他地方做唔到咁好。通常啲越南舖嘅春卷似茶樓春卷多過似越南春卷，死死實實，但呢度嘅春卷非常之鬆化，我估佢哋係用自己整嘅特薄米紙去包，先做到咁嘅效果。