雖然冇咗生蠔, 又比起之前貴咗 $10,
不過以 $188 再加一呢個價錢嚟計, 仍然都算值食嚟幫襯既~
魚生叫做合格, 仲有吞拿魚, 不過我戒咗冇食,
但其他人食過話個樣 OK, 不過冇乜味喎。
另外個羊架都係緊緊合格, 味道夠蘇, 但肉唔夠腍。
凱撒沙律啲菜好新鮮, 右下角既蕃薯咸牛肉沙律出奇地好好味!
冷盤既凍蝦同青口都算OK, 青口細隻少少。
熱盤菜色都唔錯, 其實好多嘢想食,
但個胃邊放到咁多嘢? 所以只係食咗呢幾樣菜,
最鍾意前面嗰個忌廉焗薯仔, 好好味!
呢次個餅燒得好靚仔呀~
不過原來唔可以放咁耐, 最好一攞完就唔好再攞其他嘢返埋位食咗先,
因為塊餅會黐住隻碟, 搞到爛晒架~
當然唔少得嗰三粒朱古力泡芙, 依然好味! 其實好想食多幾粒, 但已經開始飽...
呢度竟然有魚香茄子, 當然要試吓, 但可惜唔辣, 都係媽咪整既好食好多。
朱古力噴泉啲朱古力都唔錯, 幾好味, 雪糕有三隻味, 朱古力、士多啤梨、雲呢拿,
味道普通, 不過好在係有職員舀埋畀你, 唔會畀人搞到啲雪糕核核突突。
