林昌記辰昌小食 (Closed)

上次叫團購， 食完個白滑爽彈嘅白魚蛋之後， 今次要試佢嘅鴨翅~我之前一路放冰櫃冰住， 係早兩日放返落下隔雪住解凍~ 食之前就煲返，滾返熱嚟食~ 好方便呀！呢一年武漢肺炎都少咗出街， 呢間林昌記d嘢可以冰住， 做儲糧， 唔駛成日食公仔面~ 食鴨翅， 真係好豐富~ 熱咗成包翅之後， 一剪開個袋就已經香氣撲鼻， 好香嘅鴨味， 好正！！！！ 倒出嚟勁多料呀，佢唔係d碗仔翅咁一pat芡汁咁， 佢頂多係羹咁，佢嘅杰係因為入面勁多料， 多到痴線， 食完勁飽， 又大碗， 真係好抵食呀 每一啖都係料， 當然有鴨絲啦， 仲有素翅，粉絲， 冬菇絲，木耳，果皮味， 花膠---係， 真係有花膠，雖然唔太多， 但係都真係唔少，好淋， 好有膠質~ 食完即刻靚咗. 我買嗰陣仲以為係鴨肉碗仔翅， 點知係咁多料嘅鴨肉羹， 超級飽，勁抵食，又好食！！！下次再買