Palco Ristorante (Moved) New Location

話說上次試完個lunch之後印象太深刻，當時知道原來有Tasting Menu，所以就同班閨蜜黎慶祝我牛一啦。真係非常非常開心，無諗過咁驚喜，每一道菜都好好味啊，好有誠意！我訂台既時候都無特別要求個Menu要D乜，Chef話時不時都會轉入面D菜式，因為季節唔同，食材都會有唔同。今次主打海鮮，第一道菜係Toro，用墨魚汁脆片裝著，非常Fatty，入面仲有牛油果同少少哈密瓜調味。跟住就有個燒蚌，好鮮甜。蟹肉海鮮湯係我飲過最好味既蟹肉湯，真係鮮味到！黑松露芝士意粉就可以唔使講，signature dish, 香濃彈牙。個和牛又係好得，Chef話係唔係普通和牛，係岩手縣和牛，坊間少有。仲有係個蛋糕啊！！開心死我喇！靚到不得了啊！我下年生日都要再黎慶祝啊！