Fûhn (The L. Square) (Closed)

幾日前同朋友去返呢間食越南菜。因為上次同屋企人食覺得幾好食又抵，咁所以今次再食！手打芝士炸蝦波新鮮炸起，入邊嘅蝦彈牙可口無霉！蝦比例比較足，油分唔多，墊底條菜幫左唔少！軟殼蟹米紙卷入面有少少米粉係入面，會較飽肚。軟殼蟹份量唔少又夠脆。醬汁有少少辣，沾醬食好滋味。生牛肉牛丸檬粉XL食越南粉當然唔少得食牛肉河，朋友仔鍾意食牛丸就揀一個兩種餸唔會太寡！生牛肉送餐時唔係熟曬，要自己淥多兩淥！湯底好清甜，唔重牛味！因為XL關係，檬粉份量足夠兩位食，價錢唔貴。