同班friend睇波前殺入「Thailand King」食晚餐，一入門口見到個燈牌就feel到呢間餐廳有酒飲！
2
燈光暗暗哋，周圍掛滿特色裝飾，仲有大大部電視預備播球賽！職員超友善，由帶位到落單都笑住口，主動介紹菜式，感覺好warm！
▪️安格斯牛肉沙嗲 (5成熟)：牛肉燒到外微焦、內裡粉嫩，肉汁鎖得好，香濃惹味，ENCORE之選！
▪️咖哩軟殼蟹配黃咖哩：誠意十足！兩大隻軟殼蟹炸到酥脆，吸盡香甜黃咖哩汁，啖啖肉超滿足。個咖哩汁香滑唔辣，撈飯或點Roti餅都一流。
▪️Thai Roti餅：即叫即炸，熱辣辣口感鬆化，點咖哩汁無得頂！
▪️蠔肉蛋餅：蠔肉份量落得足，蛋餅煎得香口，蠔味突出。
🍸 獨特Cocktails搶焦：
▪️Whiskey Thai Tea：創意爆燈！將泰式奶茶同Whiskey融合，甜中帶酒香，順喉易入口。
▪️Gin Ginger Ale：清新之選，Gin酒配上薑汁汽水，辛辣感醒神，好適合配濃味食物。
▪️斑蘭芙糕：口感略為實淨咗少少，斑蘭味可以再突出啲。
總結：
呢度座位闊落舒適，食物大份又用心煮，cocktails有驚喜，加埋親切服務同熾熱氣氛，絕對係同好友飲酒、睇波、吹水嘅好地方！會再嚟！
