喜膳燒

Open Now

Now Closed

這幾星期都無同麗妹出去搵嘢食啦！人都發晒霉。今晚特意搵左間特色串燒嘢，可以飲飲嘢，閒聊一下，解解悶。喜膳燒開在尖沙咁都好易搵到，酒店隔離。餐廳裝潢似酒吧，座位高高的，無一般燒烤店油煙味，反似日本居酒屋，可以佢用了不少酒樽作裝飾。餐廳座位不多，不過未到深宵，可能人流未出現，也好可以靜靜地傾下計。坐下後麗妹就話叫我拍板落單。燒烤，不外乎豬牛羊雞，不過，佢有不少特色小食，例如黑豚卷龍躉肉，好特別架。仲有佢有好多海鮮魚蝦蛽⋯⋯⋯我最喜愛佢嘅芝士帶子，芝士哋香到隔離街都聞到。佢用料新鮮同烤得剛剛好，少少焦香，唔係麻夫了事。佢自家特製嘅醬汁非常有心，酸甜少少辣，似泰式辣醬但無咁辣同鮮味多了，點點可以提鮮，串燒味道有另一番風味呀。食得燒烤一定要啤啤佢，摸下酒杯傾下計咁就今宵多寫意。