烏蠅館 (Moved) New Location

朋友係尖沙咀做sales，最叻就係捐窿捐啦搵平嘢食，今日約咗佢交收手信，就帶我去佢嘅秘密基地，喺亞士厘道嘅盡頭，商業大廈上1樓，連個名都好得意叫烏蠅館。室內裝修還不錯，仲見到有好多茶葉餅，相信店家嘅茶飲品應該都唔差。印刷精美嘅點菜紙，簡單易明。什麼事冒菜，是一種成都小吃。製作方法事前備好的蔬菜和肉放入辣味底料湯汁中燙熟後食用。 其口味有麻辣和香辣。咁我就一於挑戰下麻辣，湯底夠晒濃郁，辣得非常刺激！未到十分之四川口味，芫荽生蒜同埋芝麻，所有調味料嘅味道都非常之重口味，湯底真係靈魂所在。單人套餐真係好抵，$56已經可以選擇8個餸，想食肉嘅我就要咗肥牛同埋雞翼，蔬菜有好特別嘅海白菜，鴨血同埋豬皮就吸收晒湯底嘅精華加$10套餐有一杯玫瑰蜂蜜，有清香有滋潤。朋友就話唔食得辣，所以佢啲餸同我差唔多但係就要清湯，雖然係清湯但一樣好味。佢嘅桂花烏龍茶一樣滿滿茶香味。今日大家都趕時間，下次有機會一定要試吓佢夜晚嘅麻辣火鍋先！