豐信餃子店

Open Now

Now Closed

呢間手工餃子店真係誇張，無時無刻門口都大排長龍，人氣高到要在隔籬開埋新舖擴充！新店裝修固然更靚，但人潮一樣冇減退，睇嚟出品真係有料到。🥣湯底落足心機主打嘅係熬足4小時嘅椰子海帶鮮雞豬骨湯，味道清甜滋潤，飲落好舒服。嗜辣嘅朋友可以揀酸辣湯底，夠晒刺激。🥟餃子選擇多又有創意必試邪惡之選！加$17就可以將煎餃升級成”金沙餃”, 煎到金黃香脆嘅餃子面頭鋪滿超多鹹香蛋黃碎, 邪惡但真係超！香！濃！今次配咗韭菜鮮肉餃, 惹味到停唔到口。🥟湯餃方面試咗兩款：芫荽鮮肉餃:芫荽控必點，香氣突出。香菇鮮肉餃:香菇味香濃，經典之選。小食夠驚喜：🐤甜蜜蜜雞翼外皮焦糖般甜脆，肉質嫩滑帶蜜香，食落唔膩！🥢涼拌海蜇：爽脆過癮，麻油香好突出，酸酸哋超開胃🥬上湯時菜：菜心浸喺鮮甜上湯裏，清甜解滯。🥤清熱潤喉嘅羅漢果甘草茶: 清甜順喉，食完煎餃飲啱晒。🥤柑桔蜜，酸甜開胃。🌟由湯底到餃子都感受到用心，難怪長期人龍不散。特別係個金沙煎餃，雖然邪惡但真係值得一試！新舊店都咁旺場，絕對有理由。