蒲頭島 (Closed)

話說我身邊有個火鍋男，曾經同佢一星期食兩三次火鍋都可以未厭倦。今次佢話有好西推介，係位於佐敦地鐵站附近。一開電梯門已經聞到好香的氣味。星期五位於佐敦的樓上火鍋站，都可以坐得滿滿的，就知道餐廳唔會差得去邊。由於大廳的位置已經坐滿人，所以我們被安排係旁邊的小廳內。現時香港愈來愈多的餐廳都用了QR Code落單。我覺得呢D落單夠曬方便，不求人就可以準確落單。我們叫了半自助海鮮火鍋，佢半自助其實係會有一盤「一次性」的海鮮，再可以任食其他肉類、蔬菜等的配料。呢盤海鮮已經值回票價！佢有龍蝦、長蟹柳、扇貝、大蝦、鮑魚、蜆、花蛤。龍蝦有膏，扇貝大大隻又厚肉，鮑魚又彈牙。雖然只有一盤，不過份量夠大，可以由頭食到尾。本身想食鴛鴦湯底，但原來鴛鴦要加$48，所以叫左芝士鮮茄容海鮮湯。入面煮煮下食材，都會有芝士痴左上去。加上個湯好香，食到咁上下，我都飲左兩碗湯。大家仲可以到餐廳的一旁的自取區拎蔬菜。不過肉類及腸丸就要用QR Code下單了。我好鍾意呢到的粟米，食落的每粒粟米粒都飽滿多汁，咬落去仲咇汁添！另外，鮮墨魚仔煮完都唔會縮得好厲害，而且入口彈牙，我自己就幾鍾意。魚腐味道唔會腥，吸了湯底的精華，就變得好J