孖沙茶餐廳 (Closed)

話說成日見啲人稱依間茶餐廳整嘅叉燒煎蛋飯為「三眼仔」，講嘅當然係佢畀嘅三隻煎蛋啦。但究竟點解憑一個叉燒煎蛋飯就可以取悅到咁多食客呢？同時又會吸引到咁多傳媒爭相報道？小弟我工作既地方就係附近，今日lunch終於一試！老實講，如果唔係前果排有報紙報導過，我都唔知原來附近有間咁出名專食叉燒煎蛋飯嘅茶餐廳！未去到門口已經望到有條龍仔，我唯有叫外賣。先講賣相，其實唔算好討好但佢一俾就三隻蛋，每隻煎到個黃半生熟，令黃汁可以流出來撈飯，不錯至於淋上既豉油似係有經調製過既，唔會太咸，且仲帶一點甜，係好適合用嚟撈飯既主角叉燒雖然唔係半肥瘦，以我食過嘅叉燒黎計亦唔算上乘，但勝在偏瘦得黎咬落都算爽既，而且數量不少，適合用嚟撈蛋撈豉油送飯的確，如果用太靚嘅叉燒，反而可能搶左豉油同蛋嘅香味既🤔最後讚多樣既就係價格，叫埋凍飲先至39蚊，真係唔易搵架P.s. 要食既最好趁早少少去買，因為我試過有幾次一點左右去到都已經賣晒，想堂食既就要更早。此外，買既時候佢會問你隻蛋想唔想煎熟，即使唔鐘意食生蛋既人都照顧到，係值得讚既（當然我會建議人食生蛋啦）