Read full review
2021-10-25
526 views
上網搵到呢間嘅環境睇落唔錯，決定同未婚妻嚟浪漫一下。上到嚟的確幾好view，少少昏暗，有燭光點綴，真係有啲fine dinning嘅感覺。怕太多野食唔哂，所以冇叫兩個set，只係一個set再加多一個main，另外再叫甜品。主菜上前有麵包、胡桃南瓜湯、燒南瓜沙律同埋三文魚mousse。南瓜湯都幾濃稠，如果飲哂一碗可能會飽飽地；沙律都OK，菜夠新鮮，南瓜又甜兼冇渣，芝士份量又剛剛好；特別要介紹嘅係個三文魚mousse，真係有三文魚既味道，但質地係mousse，我有諗過係咪將啲三文魚肉直接攪成漿狀…雖然腦海有呢個畫面，但都覺得幾好食同特別。主菜要咗個板燒自家熟成西冷牛扒伴香草牛油，再加個意大利手卷意粉伴野菌、辣肉腸及巴馬臣芝士。兩樣都好食到不得了！先講個意粉，望落有啲似肉醬意但係啲意粉係粗身卷筒狀，掛到多啲醬汁，而個醬有辣肉腸加芝士本身都好好味，仲有啲野菌菇令個口感更有層次，滿分！再讚個西冷，如果唔係個羊西冷賣哂，我可能都冇發現佢呢個牛西冷係咁正：夠厚身，脂肪少，肉味濃，我每一口都切得好細份，驚太快食哂…試咗呢兩個main course都覺得咁好食，令我不禁想知道其他會唔會到咁好食，所以我呢
怕太多野食唔哂，所以冇叫兩個set，只係一個set再加多一個main，另外再叫甜品。
主菜上前有麵包、胡桃南瓜湯、燒南瓜沙律同埋三文魚mousse。
南瓜湯都幾濃稠，如果飲哂一碗可能會飽飽地；沙律都OK，菜夠新鮮，南瓜又甜兼冇渣，芝士份量又剛剛好；特別要介紹嘅係個三文魚mousse，真係有三文魚既味道，但質地係mousse，我有諗過係咪將啲三文魚肉直接攪成漿狀…雖然腦海有呢個畫面，但都覺得幾好食同特別。
主菜要咗個板燒自家熟成西冷牛扒伴香草牛油，再加個意大利手卷意粉伴野菌、辣肉腸及巴馬臣芝士。兩樣都好食到不得了！
先講個意粉，望落有啲似肉醬意但係啲意粉係粗身卷筒狀，掛到多啲醬汁，而個醬有辣肉腸加芝士本身都好好味，仲有啲野菌菇令個口感更有層次，滿分！
再讚個西冷，如果唔係個羊西冷賣哂，我可能都冇發現佢呢個牛西冷係咁正：夠厚身，脂肪少，肉味濃，我每一口都切得好細份，驚太快食哂…試咗呢兩個main course都覺得咁好食，令我不禁想知道其他會唔會到咁好食，所以我呢一刻就知我應該會再嚟！
跟餐個甜品賣哂，所以餐廳安排轉咗個紅莓芝士撻同另外要個火焰朱古力球。
芝士撻唔算膩，又唔會硬巴巴，幾好。
餐飲要咗熱咖啡，都幾香濃，配芝士撻食會幾夾。
個雪糕畀啲朱古力脆皮包住再用點著火嘅酒淋上面，視覺效果十分好，但食嘅時候建議唔好點太多酒。
Post
