長沙滿哥

Open Now

Now Closed

同個同事試下人生好少會係返緊工日子，就係去左食燒烤鋪頭食個午餐。首先，我哋點左開胃涼菜 - 青椒皮蛋，青椒同皮蛋，仲有佢獨有醬汁嘅搭配食落非常開胃，辣中帶有小小清香。之後叫左個清炒時蔬，蔬菜新鮮爽脆，調味恰到好處，清新唔油膩。孜然牛肉則係當日Lunch亮點之一，牛肉嫩滑入味，孜然香氣四溢，夠晒鑊氣。另外，就係今餐重頭戲，就係燒烤，今餐lunch就係衝住佢而黎。烤牛肉串好味，完美複製國內燒烤風味，外焦內嫩。其次烤韭菜睇落好似簡單，但係燒得非常入味，韭菜香氣濃郁，唔會過晒火。而芥末魷魚份量都幾多，魷魚爽口有嚼勁，配上微辣嘅芥末醬汁，味道層次好唔同。個蒜蓉扇貝王鮮味十足，蒜蓉同扇貝完美結合，扇貝肉大大份，味道鮮甜。仲有，碳烤生蠔非常新鮮，烤到岩岩好，保留住生蠔嘅鮮味同海水味，而且食落大大隻，啖啖肉。最後，鼓油炒飯最欣賞係不會過咸，都唔會油膩，炒到飯粒乾爽，加上佢地特有醬汁去炒。呢次燒烤主打lunch，係人生返工第一次，體驗唔錯，下次都可以同朋友黎呢度食餐晚飯再聚下。