Video
Read full review
2023-08-26
1419 views
自從PHI Coffee & Pancake進駐屯門市廣場後，成日行過都見到大排長龍，今日特登平日夜晚去，終於成功試到啦🤩PHI x Sofina Set $122藍調水色薄荷朱古力梳乎厘清澈明亮夏日沙冰見到有夏日限定PHI x Sofina Set (仲附送Sofina潔面防曬體驗套裝) 作為Sofina忠實用家，當然要支持下😎 薄荷朱古力梳乎厘好有驚喜，本身我都好鐘意食薄荷朱古力，夏天食涼浸浸最適合不過!! 勁厚身既梳乎厘pancake好軟熟，空氣感十足，食落仲有好香既蛋味😍 連cream都加入咗薄荷朱古力，口感十分幼滑，最緊要係唔算甜，連同pancake加薄荷朱古力雪糕一齊食真係好夾!! 沙冰都加入咗薄荷，十分清新又好飲🤤 湖水綠色打卡一流，塊薄荷朱古力仲幾好食!! 燒牛肉向日葵三文治 $82雖然係輕食，但擺盤一樣咁靚😬 向日葵麵包好鬆軟，充滿牛油香，夾住嫩滑嘅燒牛肉同半溶嘅芝士🧀 完全係perfect match! 不得不提我最愛嘅牛油果醬，邊食邊將三文治沾滿香濃幼滑嘅牛油果醬，每啖都係享受😎明太子醬三文魚籽長通粉 $138帶子肉質厚實並帶有淡淡嘅海水味 ，配上明太子醬同帶有濃
PHI x Sofina Set $122
藍調水色薄荷朱古力梳乎厘
清澈明亮夏日沙冰
見到有夏日限定PHI x Sofina Set (仲附送Sofina潔面防曬體驗套裝) 作為Sofina忠實用家，當然要支持下😎 薄荷朱古力梳乎厘好有驚喜，本身我都好鐘意食薄荷朱古力，夏天食涼浸浸最適合不過!! 勁厚身既梳乎厘pancake好軟熟，空氣感十足，食落仲有好香既蛋味😍 連cream都加入咗薄荷朱古力，口感十分幼滑，最緊要係唔算甜，連同pancake加薄荷朱古力雪糕一齊食真係好夾!!
沙冰都加入咗薄荷，十分清新又好飲🤤 湖水綠色打卡一流，塊薄荷朱古力仲幾好食!!
燒牛肉向日葵三文治 $82
雖然係輕食，但擺盤一樣咁靚😬 向日葵麵包好鬆軟，充滿牛油香，夾住嫩滑嘅燒牛肉同半溶嘅芝士🧀 完全係perfect match! 不得不提我最愛嘅牛油果醬，邊食邊將三文治沾滿香濃幼滑嘅牛油果醬，每啖都係享受😎
明太子醬三文魚籽長通粉 $138
帶子肉質厚實並帶有淡淡嘅海水味 ，配上明太子醬同帶有濃郁鮮味嘅三文魚籽，味道十分有層次👍 下次一定要試埋意大利飯，見到隔離枱客人大讚好味!!
抹茶鮮奶 $42
最後以一杯暖暖嘅抹茶鮮奶作結，口感幼滑十分香濃嘅抹茶香氣，今餐真係十分滿足😊
Post
