一笑爐端燒 (Closed)

講到烤海鮮不得不提由長沙灣搬到土瓜灣嘅一笑爐端燒！餐廳比以前大咗好多，坐得更舒服！主打烤海鮮，當然要叫佢哋紅招牌花甲粉同爆膏瀨尿蝦！絕對必食！！花甲粉真係碗碗勁足料，花甲超過大隻飽滿，食落juicy鮮甜！粉絲吸曬啲湯汁，酸酸辣辣咁！爆膏瀨尿蝦真係第一次食咁大隻咁多膏，勁推薦！燒到剛好蝦質鮮嫩，啲膏真係爆出嚟咁！鵝肝多士打卡感十足！整得非常精緻！鵝肝炸到金黃色，外層酥脆而內層軟嫩~串燒就試咗幾款，炭燒雞翼外脆內嫩，葡萄豚肉卷平時就試荔枝豚肉，但葡萄係第一次，個口感更豐富！鹽燒五花腩伴泡菜，五花腩油膩非常香，泡菜中和咗啲油膩！