Sick Burger (希雲街)

Open Now

Now Closed

Sick Burger位於銅鑼灣希雲街，店內裝修好有特色，充滿玩味元素，好適合打卡！佢哋嘅手工Burger賣相好吸引，開放式廚房仲睇到製作過程，即點即整新鮮熱辣～🍔招牌牛肉漢堡（單層） 有得揀單層、雙層同三層，安格斯漢堡排充滿牛味又多肉汁，夾住焦糖洋蔥、車打芝士及柚子等配料，惹味濃郁，漢堡包質感軟熟，充滿牛油香好好味🍔魚柳漢堡 塊魚柳比想像中大件，外脆內嫩，漢堡包入面仲夾住生菜、酸瓜同他他醬，口感豐富又滋味🐔孜然一口雞炸雞份量都唔少，外皮炸得香脆，灑上好多調味粉，香口惹味，仲有青檸同蛋黃沙律醬點，整體食落唔油膩🍟薯條係粗身嘅薯條，炸到金黃色，口感豐富又脆卜卜，薯味十足🥤香芋維他奶shake超邪惡嘅奶昔，作為香芋愛好者嘅我真係大愛，成杯都充滿芋頭香味，用咗香芋雪糕同豆腐花打成，飲落非常濃厚，加上芋圓同焦糖脆脆點綴，賣相靚又好飲