想係九龍灣食泰式餐廳
泰廚房子係唔錯嘅選擇👍🏻
位於德福廣場平台，帶點隱蔽
餐廳水泥風格裝潢，以壁畫和霓虹燈點綴，頗有特色❤️
座位舒適，食客眾多，現場十分熱鬧
當日晚市餐廳滿座，好在餐廳可以預約book位😎
🐔泰風味手撕脆皮雞(半隻) $58
手撕雞表皮燒得燻香微脆
內裡雞肉滑溜入口鮮嫩🤤
半隻手撕雞有齊雞髀同雞翼，整體份量十足
配上兩款泰式醬汁，味道自由搭配
推廣價$58真係超抵食❤️
🍝泰式炒鮮蝦金邊粉 $98
金黃色蛋膜包覆著金邊粉，切開內裡冒煙熱辣
配上三隻醒目大蝦🦐，入口鮮嫩彈牙
金邊粉入口濕潤，帶點微微酸甜泰式風味，令人開胃🤤
碟邊伴有青檸、花生碎與紅辣椒碎，可以按喜好添加調味
🍖沙嗲串燒(半打) $72
串燒燒至微焦，灑上炸蒜，風味十足
🐔雞肉串燒肉質嫩滑，食出陣陣香茅香味
🐮牛肉串燒肉質軟淋、入口即化、牛味濃郁
附有香濃沙嗲醬，但不宜沾太多，以免遮蓋串燒風味
配有粒粒青瓜可以清新味蕾
🦐 KK手打蝦餅 $78
四塊蝦餅炸得金黃香脆
熱辣之中帶點油香
咬落啖啖蝦肉，口感結實而足料👍🏻
🥥泰式甜品拼盤 $48
有齊三種特色糕點
玫瑰花千層糕，玫瑰花造型賣相特別
微暖的糕點令班蘭與椰汁香味更為突出
椰汁千層糕，層層黏糯口感煙韌
椰汁西米糕，凍點椰香配上清涼西米
2
🍹 KK獨特香味泰式奶茶 $22泰式奶茶獨有的茶香
入口絲滑，甜度適中
🧉椰乳雪糕紅豆冰 $28
椰乳雪糕椰香滿滿，令人透心涼快
紅豆冰味道甜美，整杯既是特飲亦是甜品
總結而言，泰廚房子價格相宜、食物質素充滿泰式風情
用餐體驗良好，人氣滿滿的小店，值得推薦😋
