海南少爺 (Closed)

好掛住星加坡美食，一向喜愛食南洋菜的我，今日約了朋友去海南少爺食一餐正宗南洋菜。海南少爺位於尖沙咀海港城多年，落地玻璃望住維港，地方寬敞舒服，食物選擇多樣化，質素也不俗星洲醬油參巴炒蘿蔔糕呈正方型狀，用參巴醬炒得好惹味，外脆內軟，蘿蔔糕軟綿綿，配上韭菜、芽菜及蛋炒，好有鍋氣，香口惹味推薦招牌海南雞飯拼海鮮喇沙一次過滿足兩個願望，招牌海南雞加錢轉雞脾，用了三黃雞肉質超嫩滑，雞皮肉下呈啫喱狀，非常爽滑，好有雞味，自家製三色醬汁，辣椒醬、黑豉油及薑蓉醬，再配上香噴噴油飯，真係一碗都唔夠。迷你海鮮喇沙，大蝦鮮甜，湯底充滿椰香，慘慘（油麵加米粉）好彈牙。馬來西亞肉骨茶的確是養生補品，一上枱已經聞到濃烈的當歸味， 比較重藥材味，但不算太苦，味道濃郁甘香，燥而不膩，豬手同排骨煮得好軟腍，配料可加入響鈴、豆卜、油條、炸魚片及炸支竹，好美味補身，是秋冬進補佳品此外，荔枝茶好香甜，配合濃烈嘅食物，可以解油膩