之前試咗Seoul noodles，成日分唔清兩間😂
星期六有$68 lunch set包一款餃子、湯麵、汽水飲品
37
不過原來得一款湯麵唔使加錢，所以最後決定散叫
50
一嚟就有免費泡菜😍可以refill
微辣，甜味較重，當菜撈麵食幾好
1
▶️ 雞髀刀削麵 Chicken Noodle Soup ($78)
大大碗暖粒粒♨️
湯底味道濃郁，落咗唔少麻油，有啲似公仔麵湯底
另外仲有好多配料：紫菜、蛋絲、薯仔、香蔥、蘑菇等
令湯麵冇咁單調，口感都豐富好多
刀削麵好正🥹煙煙韌韌，似烏冬又似拉麵🍜超上癮
1
雞髀大件多肉，雞味相對淡，不過肉質唔算好乾🍗
食完仲想食多碗haha (但其實佢份量好足)
-
比預期出色🤤刀削麵質真心好好味
好耐冇食過啲咁煙韌有嚼口嘅麵
即使好多野都係自助，侍應服務態度唔錯
環境一般，因為自己一個食，同時又多食客，要同人搭枱
個人覺得同seoul noodles雖然相似，但各有各做得好嘅地方👍🏻
麵質、湯底就呢間好啲
Seoul noodles雞髀多肉啲滿足啲
價錢方面兩間差唔多，今次賣單$78唔收加一
即使開咗咁耐，依然保持人氣，要等位排長龍，好彩當日早咗啲去💕
