燒肉801

Open Now

Now Closed

​係The One對面有間紅噹噹嘅燒肉舖，今次終於去食啦😎裝修好有居酒屋Feel，可以市到日本黑毛和牛，都有其他肉類嘅選擇，價錢都OK。食完出到黎發現都幾多人等位～🔸801盛（HK$223）有好多款套餐可以選擇，包括三款肉類： 大判燒黑毛和牛肩胛肉、腹前牛小排、蔥鹽味雞腿肉。黑毛和牛肩胛肉配日本蛋食，好有日本feel😆腹前牛小排都好入味，幾多肉汁，另外雞腿肉都唔錯～套餐加$25可以配白飯、味噌湯以及前菜🍚🔸極上厚切牛胸腹柳（HK$138）​好厚身嘅牛胸腹柳，肉質都幾彈牙，而且牛香味都好濃👍🏻🔸醬油牛舌（HK$78）牛舌薄切都好易熟，有醬汁調味都幾香口，鍾意濃味嘅可以試～🔸特上牛胸腹肉（HK$98）牛胸腹肉紋理都OK，食落滿足～🔸辣牛肉麵（HK$78）本身仲好驚係普通公仔麵，點知個麵條係彈牙嘅拉麵，都好吸湯，而且好大碗，上面佈滿蛋同牛肉，好惹味🍜