店員見我地心大心細, 就建議share特上宗像丼再加魚生, 前菜同湯就照畀返2份量
前菜 / 胡麻醬油甘魚 - 估唔到胡麻醬都可以夾到油甘魚
吞拿魚刺身 - 新鮮每日即到嘅2款吞拿魚, 赤身同大拖羅, 大拖羅入口即溶高質
1
1
特上宗像丼 - 超級誇張嘅魚生山, 非常豐富有睇頭, 分前後影相都影唔哂11款魚生 (吞拿、吞拿魚蓉、北寄貝、帶子、甜甘蝦、三文魚子、烏賊、油甘魚、鱲魚、蟹肉、海膽), 佢有提示可以有3個食法 (傳統魚生飯、加紫菜自製手卷、茶漬飯), 要合力先可以食到唔跌魚生, 我覺得2個女仔分呢個份量剛好
個人最滿意加紫菜自製手卷, 紫菜即時烘乾再包魚生飯, 多重口感
茶漬飯係用鮮魚湯泡, 店員會提醒留一塊前菜嘅油甘魚浸湯同約1/3魚生飯去做茶漬飯, 油甘魚浸過味道非常唔同, 但我覺得魚生版本較印象深, 鮮魚湯好鮮甜, 好味到問師傅要多咗碗淨飲, 喜歡飲湯嘅朋友不妨問師傅, 佢地都樂意任fill鮮魚湯
