Video
Read full review
2011-10-16
6 views
一個不愉快的經驗，未試過食日本放題食到咁燘。１）服務好差 我地坐低無耐，負責我地個區的侍應就同我地講，因為人多，所以 order 刺身會快 d 到，其他食物就要等， ok ，你咁講，我地咪寫左刺身先啦，我地一行十幾人，刺身每樣要十幾件都唔過份呀，我地前後俾左 2 張單佢，過左一排，刺身未嚟，我地俾其他單（非刺身）佢，個侍應竟然同我地講：「你地第四張囉喎，陣間會有千五件刺身嚟，你地食唔食得晒呀？」佢地忙還忙，你連枱號都唔望就話我地，我地俾的唔係刺身單，個侍應態度真係好差。２）食物上錯晒、漏單 刺身未到，突然有幾碟牛脷的野擺左係枱面，然後又有幾碟唔知咩放低晒，個侍應無講係咩，只係放低就走左，問佢又唔答，隔離枱又鼓譟無野食，同負責我地個區的侍應講，佢又淨係「哦」一聲就走左去，但係繼續上錯食物，隔離枱繼續無野食。３）食物素質差 因為有個朋友生日，就有 2 板海膽送，但係 d 海膽個樣好溶化，而且仲有怪味。甜蝦個頭係綠色，玉子中間部份係黑色，帶子（小柱）極細粒，三文魚就未見有血，但都唔係新鮮，食到有雪味。燒物就各人有各口味，大致上都 ok。４）食雪糕要加錢？ 如果想食雪糕就每位加 $
１）服務好差
我地坐低無耐，負責我地個區的侍應就同我地講，因為人多，所以 order 刺身會快 d 到，其他食物就要等， ok ，你咁講，我地咪寫左刺身先啦，我地一行十幾人，刺身每樣要十幾件都唔過份呀，我地前後俾左 2 張單佢，過左一排，刺身未嚟，我地俾其他單（非刺身）佢，個侍應竟然同我地講：「你地第四張囉喎，陣間會有千五件刺身嚟，你地食唔食得晒呀？」佢地忙還忙，你連枱號都唔望就話我地，我地俾的唔係刺身單，個侍應態度真係好差。
２）食物上錯晒、漏單
刺身未到，突然有幾碟牛脷的野擺左係枱面，然後又有幾碟唔知咩放低晒，個侍應無講係咩，只係放低就走左，問佢又唔答，隔離枱又鼓譟無野食，同負責我地個區的侍應講，佢又淨係「哦」一聲就走左去，但係繼續上錯食物，隔離枱繼續無野食。
３）食物素質差
因為有個朋友生日，就有 2 板海膽送，但係 d 海膽個樣好溶化，而且仲有怪味。甜蝦個頭係綠色，玉子中間部份係黑色，帶子（小柱）極細粒，三文魚就未見有血，但都唔係新鮮，食到有雪味。燒物就各人有各口味，大致上都 ok。
４）食雪糕要加錢？
如果想食雪糕就每位加 $5，放題唔包雪糕？我放題食得少，但係食雪糕要加錢真係第一家。
總括下啦...... 每位埋單 $240，略貴唔值，唔會幫襯第二次。
Post