洋食商店 (喜遇)

Open Now

Now Closed

長沙灣人氣日料，懷舊昭和風，門口超好打卡，連招牌都復古感十足。之前見到朋友IG狂推，話佢哋壽喜燒好抵食，二話不說就約friend衝去試！一坐低，店員就ready幫手全程煮壽喜燒，淨係坐定定等食。主角係澳洲M9和牛西冷同美國牛頸脊，兩款都切得薄身快熟，西冷咬落口感實在；和牛就一咬化開，肉汁豐富，配埋香甜壽喜燒汁，超級滿足🥰最get到我心係～壽喜燒黑松露燉飯，店員將濃濃忌廉芝士白飯連埋牛汁一齊煮，香到冇朋友！黑松露味嘅香，壽喜汁嘅甜，完全係另一個層次。有得飲有得食，清酒煮蜆鮮味十足，雞翼皮脆肉嫩但鹹咗啲。二人set夠晒份量，唔洗加嘢，齊晒浪漫和風晚餐💯！