城中鴨子

Open Now

Now Closed

咁啱今日食午餐唔洗排隊喎，梗係要入去試下啦。城中鴨子係食傳統京淮菜、上海菜(?)，但係裝潢係歐陸style，坐得舒服又可以傾吓計。*無錫灌湯小籠包 （6隻）$98手工麻麻地，摺數唔夠工整，但唔緊要，好食就夠！皮薄但唔易穿，餡量多汁多，但未至於噴汁，鮮而不膩，讚！烤北京填鴨（半隻）$198必食嘅烤鴨，鴨肉又香又嫩，皮脆但偏油膩，有青瓜青蔥解膩，烤鴨醬鮮而唔鹹。唯一敗筆係個10片麵皮太快凍，而且偏厚，包烤鴨食整體感覺不太良好。淮揚嫩雞煨麵 $89雞湯香濃，冇乜味精，雞肉肉嫩又有肉味，但得三幾粒😢麵條量多，滑溜而唔腍。