滾得囍宮廷火鍋小炒 (Renamed) View

朋友住港島區，今日難得早放工，於是過咗港島區搵佢食野兼聚舊。朋友係邊爐控，今次佢帶咗我去一間復古宮廷feel既餐廳打邊爐。睇完餐牌我地揀咗嘉慶椰子藏雞濃湯鍋，再點咗幾款食物，包括清酒鮮牛肉、黃金響鈴同埋滾得囍宮廷丸拼盤、大扇貝同一口魚皮餃，另外飲咗竹蔗茅根。椰子雞湯非常鮮甜濃郁，而且湯料豐富。宮廷丸拼盤共有5款，全部都係自家製，自己最鍾意食墨魚丸，好爽口彈牙~扇貝夠新鮮，魚皮餃味道都唔錯。黃金響鈴勁邪惡，加埋秘製鹹蛋黃醬，令人回味無窮。清酒鮮牛肉牛肉鮮嫩得嚟帶有油花，好味道！竹蔗茅根好足料，飲落清潤又解膩。