聚好冰室 (Closed)

剛好同夏總都無飯開，佢老婆有飯局，我老婆就公司周年晚宴，所以，兩個孤獨嘅麻甩佬就約出嚟搵間茶記食飯兼傾傾旅行嘢。就返大家收工位置，過到嚟太子嘅「聚好冰室」，貪一陣走嘅時候夠方便。走入餐廳，環境比一般街坊茶記闊落光猛，第一印象就喺乾淨整潔，予人感覺井然有序。而個鋪位都幾深下，直入仲有好多位，而且，左側旁仲有樓梯可以上去二樓，不過，就無上去望望，唔知有幾大。我哋就揀咗坐入啲，因為裡面有好多卡位，此外，遠離少少門口無咁騷擾。如果人多少少嘅話，近門口嘅大圓枱喺幾好嘅選擇嚟。由於我哋都無乜話有目的想食咩，但求就手搵個地方，所以，餐牌都無咩點研究，一眼睇到個小菜餐牌就晌度揀，同夏總各揀一個。不過，呢度嘅小菜並非套餐形式，無加錢嘅配搭，白飯都要另外散點。老火湯雖然無咩配套，但阿姐都好好人，送啲老火例湯俾我哋飲飲，是晚嘅例湯喺老黃瓜煲豬骨，好足料，飲落夠老火，難得又唔油添，真喺既大方，又有誠意。涼瓜牛肉 $78涼瓜喺夏總嘅「飛弗」，咁我都OK嘅，炒得都有啲鑊氣，涼瓜亦唔喺好苦，帶少少甘，又爽爽哋咁，牛肉亦好軟腍，整體確喺唔錯。椒鹽蝦球 $88小弟就想試試佢啲椒鹽菜式，揀咗蝦球，諗住正啲啩。份量唔少，啲