憶食尚臘味煲仔飯

Open Now

Now Closed

不要相信生果日報的介紹，再次中伏。一間號稱煲仔飯專門店，真係前所未聞，見所未見。今晚凍凍地去試下傳說中嘅高級版煲仔飯，門口裝修好像西餐廳，有一種與別不同高級嘅感覺。星期五晚都人客不多，只有三枱。入座叫了菊花茶，茶不錯整體餐具整潔。叫了一個滑雞煲仔飯加川味臘腸，上湯菜心，蒸土豬肉，京川汁黃金手工麵，花旗參燉雞湯，一共733蚊。價錢同裝修成正比例。但上菜的時候俾我一個驚喜。滑雞煲仔飯5分鐘就上到，上得快過我經常幫襯嗰間連鎖快餐店。滑雞冇雞味又粗鞋，川味臘腸完全不似臘腸。我估煲仔飯早已經煮好，將啲餸倒入去。有飯焦冇米飯香味，專門店呢嗰名真係名不虛傳。上湯菜心片蒜蓉炒菜心（落錯單），花旗蔘湯變咗茶樹菇湯，換返花旗蔘湯但搵唔到花旗參亦都冇花旗參味，店長竟然好坦白咁話可能啲花旗參比較渣所以係咁㗎啦。手工麵落錯咗酸甜汁，換回京川汁基本上冇乜嘢分別，所謂京川汁竟然係酸酸地嘅辣汁.....最不可思議就是蒸土豬肉，同個餐牌相片完全兩回事，淡而無味似湯渣嘅豬肉仲要全都是肥豬肉，一片豬肉只有1/9係瘦肉98蚊。從入座到埋單嘅時候全程半個小時，不能再忍受。