Yadllie Plate 야들리애플래이트 (CTMA Centre)

上次食完五花腩已經食唔落炸雞所以今次係嚟試半半炸雞$208🍗原味～皮脆肉嫰🍗大邱辣醬～個味幾啱我少辣得嚟帶甜🧀芝士蟹籽蛋捲$128好正，除左賣相吸引仲好有內涵，芝士拉絲蟹籽滿滿，每一口都卜卜聲，蛋既軟配上蟹籽既口感，非常有層次。🐮火灸牛$98睇住佢燒燒係一種視覺享受由粉粉地變到剛好熟再夾埋配料蒜一齊食好惹味，同埋個醬汁調得好好🐙八爪魚沙律$118八爪魚好大隻，新鮮爽口，車厘茄甜。特種部隊鍋$198呢個真係要有男士係度先好叫，太大鍋。有扁身＆條狀既年糕（兩款我都鍾意）、有兩款腸仔、雜菌、豆卜、泡菜、蘿蔔、芝士等。最後落埋辛辣麵真係超飽，大滿足。飲品：香芋沙冰$68呢杯老公大愛上次係荃灣都係飲呢杯😆佢話唔係假香芋味，好好飲。食完部隊鍋佢再叫左罐coke zero🤣我今次試左柚子米酒$58個人幾喜歡韓國米酒，加埋柚子幾清新，更加易入口。