Video
Read full review
2023-06-25
580 views
莆田 Putien📍元朗元龍街9號形點一期2樓2040號舖上次我趁莆田海蠣節試咗唔同特色小菜，今次佢哋搞哆頭蟶節，我又點可以錯過呢！本來打算帶我位愛食中菜嘅老爸嚟試試莆田嘅美食，但情況有變，所以最終由朋友頂上，多謝佢肯百忙中抽就空陪我！不得不提一下，兩次嚟到莆田YOHO分店，都感覺到賓至如歸。着住黑色衫嘅經理非常好客，除咗會主動介紹產品之外，亦會不時同食客傾偈，問問佢哋嘅食後感，服務態度非常抵讚！而因為做緊哆頭蟶節，侍應們都好「應節」，喺上呢啲菜式嘅時候講一句「蟶子到！」，場面都幾得意呀！ 💰$219/2道椒鹽哆頭蟶 🐚喺咁多款哆頭蟶菜式當中最吸引我嘅就係呢款椒鹽哆頭蟶！果然我眼光獨到，揀到一款既鮮甜又香口嘅哆頭蟶菜！簡單嚟講呢款椒鹽哆頭蟶嘅味道就好似喺台灣夜市食到嘅鹽酥乜乜乜咁嘅口味，除咗有大大隻嘅炸哆頭蟶外，仲有炸茶樹菇添！我覺得呢道菜係我全餐入面最喜歡嘅，因為除咗可以食到原隻哆頭蟶嘅鮮味，仲可以食到炸得好香口嘅茶樹菇，感覺就好似食緊夜市炸物一樣咁開心！莆田農家蟶溜湯 🍲至於另一款我就交咗俾朋友發辦，佢揀咗莆田農家蟶溜湯，一款當地農家特色做法嘅湯品。廚師用咗蕃茄、椰菜花、哆頭蟶等等
📍元朗元龍街9號形點一期2樓2040號舖
上次我趁莆田海蠣節試咗唔同特色小菜，今次佢哋搞哆頭蟶節，我又點可以錯過呢！本來打算帶我位愛食中菜嘅老爸嚟試試莆田嘅美食，但情況有變，所以最終由朋友頂上，多謝佢肯百忙中抽就空陪我！
不得不提一下，兩次嚟到莆田YOHO分店，都感覺到賓至如歸。着住黑色衫嘅經理非常好客，除咗會主動介紹產品之外，亦會不時同食客傾偈，問問佢哋嘅食後感，服務態度非常抵讚！而因為做緊哆頭蟶節，侍應們都好「應節」，喺上呢啲菜式嘅時候講一句「蟶子到！」，場面都幾得意呀！
[價錢 Price]
💰$219/2道
椒鹽哆頭蟶 🐚
喺咁多款哆頭蟶菜式當中最吸引我嘅就係呢款椒鹽哆頭蟶！果然我眼光獨到，揀到一款既鮮甜又香口嘅哆頭蟶菜！簡單嚟講呢款椒鹽哆頭蟶嘅味道就好似喺台灣夜市食到嘅鹽酥乜乜乜咁嘅口味，除咗有大大隻嘅炸哆頭蟶外，仲有炸茶樹菇添！我覺得呢道菜係我全餐入面最喜歡嘅，因為除咗可以食到原隻哆頭蟶嘅鮮味，仲可以食到炸得好香口嘅茶樹菇，感覺就好似食緊夜市炸物一樣咁開心！
莆田農家蟶溜湯 🍲
至於另一款我就交咗俾朋友發辦，佢揀咗莆田農家蟶溜湯，一款當地農家特色做法嘅湯品。廚師用咗蕃茄、椰菜花、哆頭蟶等等嘅食材，煮咗一個酸酸哋嘅湯，保留每隻哆頭蟶嘅鮮甜。我自己唔算話太鍾意呢度菜式，因為覺得滑溜得濟，而蟶子又有少少滑潺潺嘅感覺；但鍾意食酸味嘅朋友就表示幾喜歡呢一道菜，覺得佢好醒胃之餘非常健康。相信如果鍾意食酸或比較喜歡健康啲、非油炸食品嘅朋友就會比較適合叫呢一個菜式啦。
[價錢 Price]
💰$32/位
莆田扁肉湯 🥟
叫完上面兩款，我心血來潮，想試吓呢款扁肉湯。先講講湯底，微酸但帶有鮮甜味道，見到有用蝦米、芫荽、紫菜等配料熬製。望落好清嘅湯底，原來酸酸地，食落異常開胃！主角扁肉由皮到餡都係用肉做嘅，所以你會食到個皮嘅質感有少少似魚皮餃嘅口感，唔似一般嘅雲吞或扁食，好滑身嘅感覺，係幾特別嘅一個菜式嚟嘅。
[價錢 Price]
💰$88/例牌
鹹香黃花魚 🐟
我第一次食莆田嘅時候，就係食咗佢嘅招牌黃花魚，今次嚟到就試吓以另一種形式烹調嘅鹹香黃花魚。果然名副其實，黃花魚嘅皮煎得非常鹹香酥脆，內裏食到一疏疏嫩滑嘅魚肉，雖然有啲部位係有骨，但食到咁鮮甜嘅魚肉，都算係值得一試！
[價錢 Price]
💰$98/例
石鍋滑豆腐 🍲
呢個石鍋滑豆腐俾多我哋兩重驚喜，首先講下佢嘅豆腐磚，望落同一般嘅紅燒豆腐無咩大分別，但咬開先知道原來係玉子豆腐做嘅，比起一般嘅豆腐更加滑溜，愛朝內亂嘅口感，配埋微辣嘅醬汁，送飯一流！第二個驚喜就係食食吓豆腐，我哋先發現原來個石鍋底鋪咗一層蛋，味道同口感都好似用砵仔焗嘅焗蛋咁，係意外嘅收穫！
[價錢 Price]
💰$118
興化炒米粉 🍜
呢種興化炒米粉口感好特別，睇落比新竹米粉仲要幼身，但食落更索汁更彈牙！炒米粉好有農家味道，除咗放眼望去就見到嘅蜆同蟶子外，仲有大蝦、各種蔬菜、花生同紫菜，材料非常豐富。我鍾意佢將米粉炒得好乾身，而且調味唔會過重，客人可以自己按喜好加入「辣媽辣椒醬」調味，酸酸辣辣嘅口味仲可以減低飽膩感，大家必定要試下。
Post
