雲壽司 (德和大廈)

Open Now

Now Closed

冇得去日本旅行都想喺香港感受到日本嘅氣息，呢度座位不多但係無阻我哋對呢間店嘅興趣。兩個人又唔想食得太貴但又懷念日本嘅風味，極力推介試吓雲壽司嘅二人餐。壽司飯刺身之外仲加埋蕃茄沙律，夠晒清新爽脆仲有日本醋汁份外開胃。香蔥吞拿魚飯超好食！每一口也有吞拿魚腩碎，加上滿滿的香蔥，口感極為豐富，整頓晚餐是舌頭的大滿足呢！壽司有非常多件，包括北海道海膽壽司、拖羅壽司、辣味帶子軍艦、油甘魚壽司、赤蝦壽司同火炙左口魚邊壽司。最有印象係油甘魚同拖羅壽司都非常肥美，尤其是拖羅粉紅色晶瑩通透，望落去就知係新鮮！同朋友每人一件唔使爭，食完之後捧腹而回非常滿足。