二世祖

Open Now

Now Closed

餐廳幾有人氣，當日去幾乎滿座，而裝潢幾有活力，牆上亦畫上有趣壁畫可以打打卡。😆二世祖雞翼（秘製蛋黃香辣味）$78一份有5隻，雞翼焗到外層帶點脆身，而蛋黃辣醬幾惹味。避風塘魷魚鬚 $78魷魚鬚炸漿幾薄身，炸得鬆脆，另外面頭撒上炸乾蔥令味道更香。👍自家製冬陰功虎蝦闊麵 $178呢個係餐廳新菜式，闊麵好彈牙，而冬陰功醬汁好香濃，辣度幾夠，另外虎蝦好大隻，肉質亦爽彈，唔錯喎。😋二世祖特濃朱古力 $48 ＆ 牛油果奶昔 $52兩款都係餐廳推介，特濃朱古力用玻璃樽裝住幾特別，而朱古力質感濃厚，味道夠濃，好飲! 另外牛油果奶昔唔會太甜，牛油果味亦幾出，飲完感覺幾飽肚。整體幾喜歡餐廳環境及食物，餐廳同時有其他新菜式都好吸引，有機會會再去。