新肥泉海鮮大排檔

Open Now

Now Closed

同buddy的即興飯局，我哋唔去Cafe打卡去食好有地道風味好有鑊氣的大排檔😚呢個大排檔係官涌街市2樓嘅熟食中心，位置其實幾方便，無論佐敦站/柯士甸站/高鐵西九站行過嚟都近。餐牌有好多選擇，鑊氣小菜、海鮮、仲有火鍋。我哋好多野都想試，但係兩個人嘅肚皮有限，所以最後都係叫幾款小菜。💛椒鹽九肚拼鮮魷💛上台仲係熱辣辣，咬落香脆，九肚魚大條厚肉，魚肉保持到好滑，鮮魷也很彈牙鮮味。💛黑椒野菌牛柳粒💛呢個炒得好夠鑊氣，牛柳粒份量好多，黑椒調味好適中，連D西芹都好好味。💛惹味薑蔥魚卜砂鍋煲💛我好少食魚卜，亦都比較少見啲地方有呢道菜，原來咁整咁好食，一試愛上🤭💛可愛BB乳鴿💛有我細個好鍾意食嘅炸蝦片伴碟好開心😚乳鴿都算大隻多肉。大排檔啲小菜果然係夠曬鑊氣，全部即叫即整熱辣辣，嘢食好啱我哋口味。地道風味雖然喺街市嘅熟食中心但係都算乾淨企理，Service嘅姐姐亦都好好禮貌。