滋味館粉麵 (Closed)

去得寶買完野就行落大路邊呢間粉麵小店食下午茶， 見左有卡位就坐底，環境乾淨企理幾光猛，樓面啊姐好有禮貌行過黎問先生食D咩？我就話炸醬麵凍檸水少甜少冰吾該，大約5分鐘左右就拎左黎上湯會另上(個湯味道好香好濃有層次錦)有別於一般港式粉麵店既上湯！之後就試麵炸醬 醬入面有瘦肉絲同洋蔥碎，甜甜酸酸中帶小小微微辣甜酸度適中 正！ 見到餐牌度有2個幾特別既粉麵名:「牛魔王」牛腩+牛根+牛肚+牛雜。/「豬八戒」豬頸肉+豬潤+豬手。下次經過會試下。依家吃下午茶好難搵到一間價錢平有份量味道仲要OK既呢一區得幾間系合格滋味館就系時其中一間……