琴晚我同屋企人一齊去九龍嗰邊，我哋首先去咗按泰式按摩，之後去咗一間叫小曼谷海鮮燒烤度食晚飯！😝以下就係我地叫左啲咩野食。😋
泰式生蝦刺身
生蝦刺身，基本上係去泰國餐廳必叫嘅，而佢嘅生蝦好鮮，食落去個蝦味好重而且配埋佢個秘製醬汁唔單止好好食，仲會好開胃，因為酸酸甜甜
泰式炸蝦餅
我自己係一個鍾意食炸嘢嘅人，呢一個蝦餅可以滿足到我，而且佢嘅外層香脆，蝦肉鮮味好出，加上泰式辣醬，十分美味😍
泰式鮮蝦炒金邊粉
金邊粉在當地係有名的粉，他的口感特別，再加上泰式的醬汁，酸酸甜甜的十分開胃，毫無違和感。而且他的鮮蝦不是小小的，而係大大隻。最讓人驚喜的是廚師炒得十分有鑊氣
曼谷夜市火山骨
火山骨呢樣菜式真係唔係度度都有得食，咁啱呢度就有得食啦，火山骨啲肉好軟唔會硬掘掘咁樣，而且配埋酸嘅汁，口感非常好。😚
芒果椰汁沙冰
呢一杯野飲入口嘅時候會有芒果同椰汁味，加上有一些鮮甜的水果，讓你感受到不一樣的口感
椰青
椰青係泰國出名嘅嘢飲之一，所以喺泰國餐廳都係必點的，他們的椰青很香很新鮮！讓人會再想飲更多😍
總括嚟講呢間餐廳好值得大家去嘗試，因為餐廳環境乾淨，而且俾人一個舒服嘅感覺，再加上職員的服務態度良好，讓家人和我有一個不錯的體驗。十分推薦大家去嘗試！！🫶🏻
