朋友想食潮州菜
就係openrice揀左最多好評既去食
鋪頭細細但勁多人😂
就以為充滿期待...點知🙈
呢度用左好出名既楊氏元朗烏頭
但唔知點解烏頭係室溫 同以往凍食既唔同
肉質一般 而且亦唔鮮甜
部分位置會有腥味 但整體還好
好彩佢個辣油 香而不辣
為佢加返唔少分🙈
之後見到幾檯熟客都係食大眼雞
可能大眼雞比較好食？
伙計推介我地叫大拼盤可以試埋滷水鵝
結果鵝肉好鞋 而且好多得骨😭
拼盤入面比較推介係豬頸肉同墨魚
滷得入味、彈牙
其他無咩特別 而且豬大腸有d臭味🤮
同埋滷汁整體係偏咸
比較適合送酒食
單食有d辛苦
蠔仔粥叫左個細 都勁大碗🤣
而且十分足料👍🏻
蠔仔飽滿肥美 不過食到一兩隻會腥😂😂
同埋入面有方魚脆脆
食落口感好多層次 唔錯❤️
差唔多每檯都會叫既炸蠔餅
超級大份
明顯比蠔仔粥既蠔細粒d
不過依然分量好多 而且唔腥👍🏻
粉漿好薄身 食落唔會油同太熱氣😂
洋蔥超級香口
唯一唔好就係唔夠脆😔
不過係成餐飯最好食既❤️
餐廳除左一黎既潮州菜
仲有其他好似大牌檔既菜式
我地試左兩款
沙嗲汁完全係茶記質素
牛肉都係個種用左鬆肉粉醃到無味既
勝在好大碟
不過價錢都唔平
同坊間食開既好唔同
雖然上檯熱辣辣 但唔係脆身既
而且椒鹽味亦欠奉😔
入面釀左好似蛋黃既料
個人就覺得唔夾🙈
平心而論佢既魷魚係厚身都幾彈牙
但成件事就好fail😭
睇得出鋪頭好多熟客
食食下
店家加檯招呼左d熟客😔
兩張檯中間只係隔左5cm
同搭檯完全無分別🙈中間當然都無隔板
而且食到最後有人係入面食煙
餐廳過左十點後亦繼續落閘照營業😨
雖然某幾樣食物都幾大件抵食
但咁樣既衛生環境真係唔會再去🤮
