九龍城冇人排隊嘅泰國菜
去食泰菜去左九龍城，行左2間都要等位又見餓，是但入左間吾洗等位嘅，明白點解吾洗等位。。。
▫️免加一
▫️qr code落單
🆗冬陰功（細）🍲-$88
冬陰公用明爐上，有個小火熱住個湯，配料有一隻開邊大蝦，但感覺吾太新鮮，另有草菇及番茄。個冬陰功湯有啲粉，尤其飲到最尾時會有沙沙口感，感覺偏辣。
☑️泰式乾炒金邊粉🍤-$73
金邊粉炒得幾有鑊氣，夠乾身，調味都唔錯幾惹味，蝦只有兩隻，其他配料有火腿，芽菜、雞蛋及豆腐乾。
2
🆗青咖哩軟殼蟹🦀-$118
軟殼蟹同青咖哩會分開上，避免浸淋，青咖哩一大鍋明爐上，椰汁味濃但冇咩咖哩味，入面有豆角同圓型嘅茄子，茄子生生地吾係幾入味，豆角好d。軟殼蟹吾錯，脆口量多，點汁食吾錯。
🆗蒜蓉包🥖-$32
叫黎點青咖哩的。2件法包，就甘食超級硬，一家要浸湯點汁，都有蒜蓉味。
🔘三色冰🍸-$28
係我飲過最難飲嘅三色冰😂😂個味好怪，吾似椰汁味，感覺溝咗好多水，另外叫咗少冰都好多冰。
