依間cafe無得book枱，我同朋友喺假期嚟到，果然見已經好多人排緊隊，最後都等咗半個鐘先入到去。
入面嘅裝潢好吸睛，因為Cafe前身係一間中藥行，而家仲保留住以前嘅牌匾同藥櫃，好有復古風。
我哋叫咗一份麻辣蛋牛三文治$168，雞蛋仔與雞$118，一壺洋甘菊茶$50，最後仲有個甜品——腐竹糖水蛋撻$58。
麻辣蛋牛三文治
- 因為唔食得辣嘅關係，叫咗汁另上。
- 點咗少少嚟試，一入口已經感受到嗰種勁度，所以放棄咗嗰汁🤭
- 牛偏韌，蛋又得好少，有啲失望，$168其實偏貴
雞蛋仔與雞
- 可選薑汁糖漿 或 西檸汁，我哋揀咗薑汁糖漿，有薑味又唔辣，食落幾新穎
- 雞有好多舊，可惜炸到好乾，食落冇肉咁
- 而家好興牛角包窩夫，依家cafe用咗港式窩夫——雞蛋仔代替，配埋炸雞食好有特色
腐竹糖水蛋撻
- 唔會好甜，食落唔膩
- 面頭嘅蛋黃似係啫喱，中間有層薏米
- 依度啲甜品好得意，係用中式糖水名命名嘅蛋糕/撻
