我哋係weekend lunch去，有個二人lunchset$498抵食好多，一於就試吓啦。餐入面都有好多野揀，唯有盡量叫啲keto friendly 嘅款。
環境：
雖然個地方唔算大，但非常舒服，枱唔算迫，而且仲2面環海添！ 最緊要係其實唔多人，我哋12點去，坐到2點其實都只係得3-5枱客
午市二人火鍋套餐：
鴨血，手打魚米蝦滑，，珊瑚丰，田園菜籃，黑豚腩肉，嫩牛肉，稻田毛肚，大刀筍片，包漿豆腐，鮮滑魚麵， 同兩罐汽水 （特飲可以另加$30）
其實每一個份量都唔係好多，食完都唔係好夠飽，我哋encore左一份嫩牛肉，真係堅好味😋
一定要試佢個signature 九宮格麻辣火鍋，我哋叫普通辣其實唔算好辣，帶辣之餘都仲食到食物嘅鮮味
1
嫩牛肉
一定要試，勁淋勁嫩，同個湯底簡直絕配，好食到要encore左次。
珊瑚蚌
一樣好好食，記得淥30秒就食得
黑豚腩肉
好有肉味，用黎打麻辣火鍋真係冇得頂
稻田毛肚
好多人都會叫啲個，我哋都想試吓。咁巴閉得4塊，其實冇乜特別，只係黑牛柏葉飛邊。我寧願食番普通嘅黑牛柏葉仲有口感，如果單點嘅話我覺得可以skip
手打魚米蝦滑
呢個都係勁好食，好爽口彈牙而且有蝦味，必叫。雖然明知唔係keto friendly，但都唔理了😅
鮮滑魚麵
啲個魚麵都係好食嘅，好彈牙而且味道都好好。啲個食晒絕對係會破酮，因為始終都係用麵粉做😭
包漿豆腐、鴨血、大刀筍片
筍片同豆腐都好食。鴨血並唔係自家製，冇味，真係麻麻地，我第二次唔會再揀佢
店鋪好細心，仲會俾埋個timer你，等你每樣食物都唔會淥過耐，抵讚👍🏻
總結：價錢偏貴，但食物有質素，環境服務都唔錯。有機會都會再幫襯。
P.S. 午市免湯底費（每人$38），但午晚市都會收茶錢（每人$20）（套餐除外）
