樂天大喜屋 (Closed)

今日為咗慶祝阿女生日，所以我哋去咗食日式放題。 上到去見到成層都係樂天大喜屋，令我情不自禁地嘩左一聲，我喜歡它夠晒開放， 好有霸氣。位置方便，地方非常光猛闊落， 感覺非常舒適。 六點鐘食都人山人海， 真係好誇張，好彩有訂位。頭盤當然叫刺身食先啦， 刺身冰凍鮮甜，竟然意外地冇乜雪藏味， 夠曬厚切之餘仲好有 口感。壽司都整得好靚和好有心思，外表非常吸引。 我鍾意啲壽司比較細件， 放入後啱啱好。當然又點少得叫我最愛嘅鰻魚壽司，蟹棒壽司和甜蝦壽司。 壽司排得井井有條，送到桌面還帶暖暖的。 鰻魚軟熟而且沒有軟骨， 蟹柳夠曬大條之餘表面還有少許芝士和沙律醬，非常惹味。甜蝦就夠曬爽口，而且一d都唔腥。海膽手卷非常迷你仲好足料，老闆一啲都唔 吝嗇任你食。 天婦羅蟹柳炸得外脆內軟， 食完一碟唔夠喉再encore 多次。小食隨意攞咗泰式鳳爪，中華沙律和泡菜。 基本上你講得出都有得食， 非常滿足。飲品選擇好多， 分別有凍和熱。特別地有清酒，熱菊花蜜，羅漢果水和熱薑茶! 岩晒鍾意飲熱飲嘅我。甜品多到數之不盡，意外地竟然有生果食，真係幾好喎。優惠時段仲有85折， 款式又多，價錢經濟，非常抵