泰聚 (Moved) New Location

近期成日食炸雞，係時候轉轉口味，換下新意。男友訂左我另一至愛泰國餐廳食飯！餐廳開張冇耐，裝潢好有心思，樓底又高，坐得好舒適唷！沙冰就好常見，但原個西瓜冰咁霸氣，係泰國餐廳都係第一次❄️❄️❄️飲完，透心涼喇！西瓜沙冰入口好肉食緊「起沙」既西瓜瓜肉咁，口感一流！菠蘿沙冰果香味濃，好fresh呀！飲完沙冰再黎個冬蔭公湯，簡直係味覺神經大刺激呀！冬蔭公湯椰味香濃，入口辣中帶有椰香，以及小小酸味！大蝦開邊，剝殻好方便，而且索哂湯底味道，好惹味！海南雞（半隻）肉質滑嫩，雞肉帶有小小脂肪，入口富有雞油香，油而不膩，配上白飯perfect match!蔗蝦size好大，蝦蓉好多，入口口感爽陣，配合竹蔗既甜味，好有水準！飯後甜品少不了具有泰國特色既椰汁西米糕！椰香味濃而不膩，糕身軟滑，配上西米口感豐富。