尚八日式燒肉店 (Closed)

自從盛八轉咗手之後，好耐都冇過食燒肉放題今晚同朋友兩個 去咗呢一間前身係盛八嘅尚八燒肉店， 我哋去嘅時間係宵夜時段228蚊一位， 仲有個刺身拼盤送畀我哋， 雖然係送嘅 但係都幾新鮮仲有海膽添之後我哋嗌咗好多嘢食呀， 重點係食牛肉 如果放題嚟講， 佢啲牛肉質素已經算好， 值得推介嘅係厚切牛胸腹 真係好juicy海鲜就好一般， 多數放題都唔會畀新鮮嘅你厚切牛舌最中伏完全咬唔開， 叫薄嘅好好多！羊架同平時街市醃嗰啲差唔多， 冇乜特別最後叫咗佢啲小食， 一口芝士、芝麻雞翼、燒餅…… 幾好食，上枱全部都係熱嘅 冇酒精飲品都係任飲呢個價錢嘅放題 ，好真心講 食物嘅質素已經算好好…… 下次一定會再嚟